Hitzak: Iñaki Beristain
Musika: Pelllo Zabala
Zure egoitza, Jauna,
bai dela maitagarri!
Grinaz erretzen nago
etxe horren egarri.
Bizi diren guztiek
badute bizitoki;
nik, ordea, Jauna dut
nire etxe egoki.
Benetan dohatsuak
zure etxean daudenak,
han pozik Zu goresten
beti bizi direnak.
Jaunak lagundurikan
ez da ibar lehorrik,
dena onespen-euri,
dena da on-iturri.
Horregatik bidean
kemenez nau jantziko,
zerurantz sendo noa
Jauna noiz ikusiko.
Zeru-poz txikiena
askoz da ederrago
mundu hontako pozik
aberatsena baino.
Babes eta eguzki neretzat
Jainko Jauna.
Onez blai egongo da
Jaunaren fededuna.