Hitzak: Iñaki Beristain
Hilobi santuko doinua
Zu, gurutze leial ta maitale,
bizi-fruituen banatzaile.
Zu zaitugu gure begien poz,
zugana gaude uste osoz.
Gurutze santu, zuri gure kantu,
goza munduko hainbat lantu.
Zure beso zabal ta maitalez,
jaso mundu hau, poztu bakez,
gehiago ez dadin gurutzerik,
ez zapaldurik, ez pobrerik.
Gurutze santu, zuri gure kantu,
goza munduko hainbat lantu.
Zu zaitugu jainko-besarkada,
Jainkoaren maite-taupada,
behartsuen argi, esperantza,
minez daudenen konfiantza.
Gurutze santu, zuri gure kantu,
goza munduko hainbat lantu.