Hitzak: Iñaki Beristain
Musika: Pello Zabala
Gure ezinen lur erretatik,
egarri gatoz ur bila,
nola piztuko, nola poztuko,
lehen bizia zen lur hila.
Zergatik zaude, Jainko, hain urrun,
izanik Jainko hurbila?
Zergatik dugu itxaropena
etsipen-gaitzez zurbila?
Ura nahi dugu, Jaun biziduna,
zure saihetseko ura.
Ura nahi dugu, berpizten duen
Espirituzko ur hura!
Nahi ta ezinaren esku gorritan,
aitortuz gorri gaudela,
dakargu gure lur agortuko
zuhaitz erori, zimela.
Ez du fruiturik, ez du ostorik,
zuztarra baitu ustela.
Zure bizitik bizia hartuz,
nola bizitu bestela?
Gure ur geldi, ur ustelduak,
amets ezinen berdexka,
etsipenaren leku geldian,
bizia non den galdezka.
Askatu, Jauna, Espiritua,
isuri ura gainezka,
ur berri, gozo eta garbiak
sor dezan Pazkoko festa.