Hitzak: Iñaki Beristain
Doinua: Felipe Larrinaga
Harmonia: P. M. Idoiaga
Txoko argi, Arantzazu!
Harkaitzarte gozoa zera zu
Argiz zaude Arantzazu!
Zuri begira gauzkazu,
Lainoz gandi Arantzazu!
Zuregana gatoz sutsu,
Erromesak har itzatzu
Goiko hitzez argi gaitzazu
Bizi griñaz natortzu, Arantzazu!
Miñez dugu esperantza
Fruitu gabe daukagu baratza,
Hau da gure zori latza!
Gaur Arantzazu gorantza,
bihotzak bere balantza
gure ibil-bideari atera
nahirik arantza ta sendotu
fede zalantza.
Esperantzaz daukagu esperantza.
Gorriz jantzi zaigu lurra,
Bada gorroto, bada gezurra
Pozaren orde tristura!
Begira gaude altura,
Begira Arantzazura:
Ama zureez ardura
Zabal bularren estura
Jar anaitasuna eskura
Bizi berriaz senda gure lurra!