Hitzak: Iñaki Beristain
Musika: L. Elizalde
Jaunak gonbidatuta
jan dugu ogia,
ogi honetan festa,
maitasun-argia.
Ogia jatean,
bihotza daukagu bake-bakean,
eramango dugu
bake hau, senideengana joatean.
Maitasuna opaz,
besoak zabalik besarkatzeko,
alai joango gara,
baztertu guztiak hartuz etxeko.
Bidez joango gara,
zaurituentzako maite-ukenduz,
bidez joango gara,
pobreen bidetik saminak kenduz.
Ez dugu etsiko,
itxaropenaren uste betean,
ogia zatituz
maitasun-argia piztu artean.